大家經過超市、五金鋪的時候,一定會見到唔同類型燈膽,例如鎢絲膽、慳電膽/管、LED等,到底邊款先最慳電、最環保?一於教大家分辨三款最常見的光源。

 

1. 鎢絲膽

鎢絲膽已經有過百年歷史,為最早期的光源產品。價錢雖然最平,但鎢絲膽的光源效能就非常低,當中只有約5%電能轉化為光源,其餘95%電能都轉化為熱能而浪費。加上鎢絲膽的平均壽命只有1,000小時,耐用度極低,亦都最唔環保!所以唔少國家已經開始禁售鎢絲膽。在香港,環境局及機電工程署於2013年推出「『不要鎢絲燈泡』節能約章」,陸續淘汰鎢絲膽。

(PLUMEN WINNIE LED 燈膽,仿鎢絲造型,但實際為LED,火數4.3W,相當慳電,售價$115。未來照明網上商店 FL Shop有售。)

 

2. 慳電膽/管

慳電膽係10年前曾經興起過一陣熱話。慳電膽/管其實早在七、八十年代已開始應用於家居中。慳電膽可以輸出同鎢絲膽相同的光度,但耗電量只是鎢絲膽的五分之一。雖然比較慳電,但其實只有20%電能轉化為光能,仍然有80%電能被浪費。另外在耐用度方面,慳電膽/管的平均壽命約為8,000小時,而且價格便宜,所以當時成功取代大部份鎢絲膽。但是慳電膽/管內含有毒水銀,棄置時一定要小心處理,減少對人、對環境的影響同破壞!

未來照明已經參與環保署的慳電膽及光管回收計劃,於全線門市設立回收箱。

有關更多處理慳電膽/管的方法,可參考:https://www.wastereduction.gov.hk/tc/household/flrp_faq.htm

 

3. LED

LED近幾年開始普及,相對於鎢絲膽同慳電膽,LED的光源效能有很大的進步,當中超過50%的電能用於光能上。而LED的平均壽命普遍超過15,000小時,耐用度最高!

隨著價格不斷下降,功能款式同時不斷增加,例如調較光暗、色溫等等,LED已經逐漸取代鎢絲膽和慳電膽/管,成為目前家居主流的節能環保光源。

 

 

下圖是以同等色溫和光度計算的每個燈膽所消耗電力和成本。LED燈膽明顯比慳電膽更慳電!

(假設每度電$1)

 

下次買燈膽時記得要揀LED,慳電慳到最盡~

 

耐用度:LED > 慳電膽/管 > 鎢絲膽

光源效能:LED > 慳電膽/管 > 鎢絲膽

 

*本文資料及圖片由 Future Lighting 未來照明提供。

 

相關文章

【FL Blog】唔想再買錯燈膽?7個燈膽常識你要知!